ჰუავეი

About

Huawei Technologies Co. Ltd. მულტინაციონალური ქსელური და სატელეკომუნიკაციო კომპანიაა, რომლის სათაო ოფისიც ჩინეთში, კერძოდ კი შენჟენში მდებარეობს. კომპანია ფოკუსირებულია როგორც ფიქსირებულ, ასევე უკაბელო კომუნიკაციებზე. იგი მსოფლიოს უდიდესი სატელეკომუნიკაციო აღჭურვილობის მწარმოებელი კომპანიაა. ”ჰუავეი” საქართველოში 2001 წლიდან არის წარმოდგენილი. რაც შეეხება კომპანიის მიერ საქართველოში განხორციელებულ პროექტებს, იგი თანამშრომლობს როგორც კომპანია ”სიქლნეტთან”, ასევე ქართულ მობილურ ოპერატორებთან. 2002 წელს ”ჰუავეიმ” ”სიქლნეტში” (ყოფილი ”გაერთიანებული ტელეკომი”) დანერგა ავტომატური სატელეფონო სადგურები. 2007 წელს დაიწყო შემდეგი თაობის მულტიმედიური ქსელის, NGN ტექნოლოგიის, ”სილქნეტში” კი მონაცემთა გადაცემის მინიმალურ სტრანდარტზე დაყრდნობილი, FTTH ტექნოლოგიის დანერგვა. ”2010 წელს ”სიქლნეტთან” დაწყებული პროექტი პირველი ოფიციალური FTTH პროექტია საქართველოში, რომლის გაფართოებაც იგეგმება. პროექტის ფარგლებში თბილისის მასშტაბით მუშაობა დასრულებულია. უნდა ითქვას, რომ ეს არის ყველაზე დიდი პროექტი ფიქსირებული ქსელის ტექნოლოგიიდან, რომელიც ამჟამად განვითარების სტადიაშია. კომპანია ”ჰუავეი” ასევე თანამშრომლობს მობილურ ოპერატორებთან. კომპანია ”ჯეოსელთან” განხორციელებული პროექტი არის HSPA მოდემების დანერგვა, რომელიც მე-3 თაობის განვითარების მომდევნო ნაბიჯია. კომპანია ”მაგთიკომთან” კი ”ჰუავეის”თანამშრომლობის შედეგია ქსელი ”მაგთიფიქსი” CDMA ტექნოლოგიის მიმართულებით.