შავი ლომი

აღწერა

სოლოლაკში, ამაღლების 23-ში აგურის კედელზე მიხატული, ფიროსმანის შავი ლომი აუცილებლად მიიქცევს თქვენს ყურადღებას. კაფე-დუქანი "შავი ლომი" მოიცავს ორ, საშუალო ზომის დარბაზს. კედლები მოპირკეთებულია ძველი ქართული აგურით. ყურადღებას იქცევს ძველი მაგიდები, სკამები, გადასაფარებლები და ასე შემდეგ. აქ ყველაფერი ნოსტალგიურად ძველია, ’80-’90-იანი წლებიდან, თუმცა ამის მიუხედავად, საბჭოთა კავშირის დროინდელი გარემო არაა. შავ ლომში ყველაფერი თავისებურად აქვთ: აქ მჭადი – მჭადუკაა, ხაჭაპური კი – ხაჭაპურიტო. სტარტერებად სხვადასხვა ფხალეულის და სოუსების ასორტის გთავაზობენ. შესანიშნავი ადგილია ახლობელ ადამიანებთან და ასევე უცხოელ სტუმრებთან ერთად სასიამოვნო დროის გასატარებლად.