კომპანია Zoomart აცხადებს ვაკანსიას პოზიციაზე: 1C პროგრამისტი / 1C Developer (Middle+/Senior)

სამუშაო ადგილი: თბილისი
გრაფიკი: ორშაბათი–პარასკევი; პარასკევს შემოკლებული დღე, 15:00 საათამდე
ანაზღაურება: კონკურენტუნარიანი, განისაზღვრება გამოცდილებისა და კვალიფიკაციის მიხედვით

კომპანიის შესახებ
Zoomart არის ცხოველთა საცალო ვაჭრობის ქსელი საქართველოში. ჩვენი ოპერაციები ეყრდნობა 1C-ზე აგებულ საცალო და სასაწყობე აღრიცხვის სისტემას და ვეძებთ ადამიანს, რომელიც ამ სისტემის ტექნიკურ განვითარებაზე იქნება პასუხისმგებელი.

პოზიციის შესახებ
ვეძებთ გამოცდილ 1C პროგრამისტს (Middle+/Senior), რომელიც ითანამშრომლებს კომპანიის მენეჯმენტთან, შექმნის ახალ ფუნქციონალს, განავითარებს მოქმედ კონფიგურაციას და უზრუნველყოფს სისტემის სტაბილურ მუშაობას. პოზიცია გულისხმობს კონფიგურაციის ტექნიკურ მფლობელობას.

ძირითადი მოვალეობები

მოქმედ 1C კონფიგურაციაში ახალი მოდულების, დოკუმენტების, რეგისტრების, ცნობარების, ფორმების, ანგარიშებისა და დამუშავებების შექმნა და დანერგვა;
არსებული პროგრამული კოდისა და ბიზნეს-ლოგიკის შესწავლა, მოდიფიცირება და განვითარება ტექნიკური დავალებების საფუძველზე;
ანგარიშებისა და ბეჭდვითი ფორმების მომზადება (მათ შორის მონაცემთა კომპოზიციის სისტემის გამოყენებით);
მონაცემთა გაცვლისა და ინტეგრაციების განხორციელება გარე სისტემებთან (საცალო ვაჭრობის სისტემები, ვებგვერდი, საბანკო და საგადასახადო სერვისები და სხვ.);
მოქმედი სისტემის მხარდაჭერა: წარმოების გარემოში წარმოშობილი შეცდომების დიაგნოსტიკა და გამოსწორება;
კოდის ოპტიმიზაცია, მოთხოვნებისა და სისტემის წარმადობის გაუმჯობესება მრავალმომხმარებლიან გარემოში;
ცვლილებების ტესტირება, სამუშაო გარემოში დანერგვა და ვერსიების კონტროლი (Git ან კონფიგურაციის საცავი);
განხორციელებული ცვლილებებისა და ლოგიკის ტექნიკური დოკუმენტირება;
სამუშაოების შეთანხმებულ ვადებში შესრულება.

სავალდებულო მოთხოვნები

1C 8.2 / 8.3 პლატფორმაზე პროგრამირების მინიმუმ 3-წლიანი პრაქტიკული გამოცდილება (Senior დონისთვის — 5+ წელი);
1C-ის ჩაშენებული ენის, მეტამონაცემების ობიექტებისა და 1C Query Language-ის საფუძვლიანი ცოდნა;
მართული ფორმებისა და კლიენტ-სერვერული პროგრამირების გამოცდილება;
არსებული და არასტანდარტული (მოდიფიცირებული) კონფიგურაციების შესწავლის, მოდიფიცირებისა და განვითარების გამოცდილება;
მონაცემთა კომპოზიციის სისტემის (СКД), როლებისა და წვდომის უფლებების, ტრანზაქციებისა და ბლოკირებების ცოდნა;
კოდის ტესტირებისა და შეცდომების დიაგნოსტიკის უნარი;
ახალი მოდულების დამოუკიდებლად შექმნის გამოცდილება;
საცალო ვაჭრობის ან სასაწყობე აღრიცხვის 1C კონფიგურაციებთან მუშაობის გამოცდილება.

უპირატესობად ჩაითვლება

REST API, HTTP Services, JSON და XML ტექნოლოგიების ცოდნა;
1C Extensions-ის გამოყენების გამოცდილება;
MS SQL Server-ის ცოდნა;
მაღალდატვირთულ მრავალმომხმარებლიან სისტემებზე მუშაობისა და ოპტიმიზაციის გამოცდილება;
1C-ის პროფესიული სერტიფიკატი;
ინგლისურის ან რუსულის ცოდნა ტექნიკურ დოკუმენტაციასთან სამუშაოდ.

რას გთავაზობთ

ორშაბათი–პარასკევი, პარასკევს შემოკლებული სამუშაო დღე (15:00 საათამდე);
რეალური, მასშტაბური 1C პროექტები და კონფიგურაციის ტექნიკური მფლობელობა;
პროფესიული განვითარების შესაძლებლობა;
კონკურენტუნარიანი ანაზღაურება.

პასუხისმგებლობის ფარგლები
პროგრამისტი მუშაობს მენეჯმენტის მიერ განსაზღვრული ფუნქციური მოთხოვნებისა და შეთანხმებული ტექნიკური დავალებების საფუძველზე. ბიზნეს-პროცესების განსაზღვრა, განვითარების პრიორიტეტები და ფუნქციური მოთხოვნები მენეჯმენტის პასუხისმგებლობაა.
პროგრამისტი მონაწილეობს ტექნიკური გადაწყვეტილებების შემუშავებასა და შეფასებებში და პასუხისმგებელია კოდის ხარისხზე, ტესტირებასა და დანერგვაზე.

როგორ განაცხადოთ
გამოგვიგზავნეთ CV მისამართზე: [email protected]
წერილის სათაურში მიუთითეთ: 1C Developer – სახელი, გვარი.

1C პროგრამისტი

აღწერა

მოთხოვნები

მსგავსი ვაკანსიები