ფეჩის რადიატორის შეცვლა და გამორეცხვა

ფეჩის რადიატორის შეცვლა და გამორეცხვა ყველაზე ხშირად მაშინ სჭირდებათ, როცა მანქანის ღუმელი ისე ვეღარ ათბობს, როგორც უნდა. ხშირი სიმპტომებია - ფეჩი არ ათბობს, ოდნავ თბილს უბერავს, ერთ მხარეს თბილია და მეორე მხარეს ცივი, ან სითბო მხოლოდ მაშინ მოდის, როცა ძრავი მაღალ ბრუნზე მუშაობს. მიზეზი შეიძლება იყოს ფეჩის რადიატორში დაგროვილი ნადები, გაბიდნული ფიჭები, გაჟონვა ან დაზიანება. ამ კატეგორიაში თავმოყრილია თბილისში მომუშავე სპეციალისტები, რომლებიც აკეთებენ შეცვლას, გამორეცხვას, შეკეთებას და ზოგ შემთხვევაში წყლის სისტემის რეცხვასაც.

ფეჩის გამორეცხვა ხშირად კეთდება აპარატით და ზოგ შემთხვევაში მოხსნაც არ სჭირდება. სპეციალისტები რეცხავენ მაღალ ტემპერატურაზე, გამწმენდი სითხის რევერსული ცირკულაციით, რაც ნადების და სხვა დაგროვილი ჭუჭყის ეფექტურად მოშორებას უზრუნველყოფს. ნაწილი მარტო ფეჩის რადიატორზე მუშაობს, ნაწილი კი ერთად რეცხავს გაგრილების რადიატორს, გამათბობლის რადიატორს და მთლიანად წყლის სისტემას. თუ პრობლემა დაბინძურებაა, გამორეცხვამ შეიძლება გათბობა გააუმჯობესოს. თუ სალონში ფეხებთან სისველეა, შუშები ხშირად იორთქლება ან მოტკბო სუნი დგას, ეს გაჟონვის ნიშანიც შეიძლება იყოს.

სპეციალისტთან დარეკვისას ჯობია ზუსტად აუხსნათ, რა სიმპტომი აქვს მანქანას: საერთოდ არ ათბობს, სუსტად ათბობს, ნახევარ მხარეს თბილია, შუშები იორთქლება თუ იატაკთან სისველეა. ასევე უნდა უთხრათ მანქანის მარკა და რა დროს იჩენს თავს პრობლემა. ეს სპეციალისტს ეხმარება, რომ სწორად მიხვდეს, რა სამუშაო იქნება საჭირო. თუ გინდათ მოხსნის გარეშე გამორეცხვა, ესეც წინასწარ ჰკითხეთ, რადგან ყველა მანქანაზე და ყველა პრობლემაზე ერთი და იგივე მეთოდი არ მუშაობს.

ამ გვერდზე მითითებული სპეციალისტები თბილისში მუშაობენ და მომსახურების პირობებზე ტელეფონზე შეთანხმდებიან. ფასი ფიქსირებული არ არის - დამოკიდებულია სამუშაოზე, მანქანის მარკაზე და იმაზე, რა არის საჭირო - გამორეცხვა, შეკეთება თუ სრული შეცვლა. დარეკვისას ჰკითხეთ, რას მოიცავს მომსახურება, მუშაობენ თუ არა აპარატით, აკეთებენ თუ არა წყლის სისტემის სრულ გამორეცხვას და საჭიროა თუ არა მოხსნა. ასე უფრო მარტივად მიხვდებით, რომელი სპეციალისტი გამოგადგებათ თქვენს შემთხვევაში.